Sea-Sang

For J.D.Gomersall.

Burn, a mountain teems brak-neck,
Nerra mill-lade, breengin beck,
Ilk an ivry tribut'ry,
Sikks the sea's simplicity.

Inby oceans, aa is ane
Skaith an tribble's dished, an dane,
Doon the oyster o the deep
Aa the morns, coddlit, sleep.

Bairn-claes o nestlin-new
Mizzle-mornin brings the dew
Rain-lift, wingin mirrors sma,
Sycamore's a wattergaw!

Vanity maun aye caress
Glamourie o keekin-glaiss
Lythe, the watter hauds a luik,
Powk the pictur-blad the buik.

Lapis Lazuli, o OM
Timeless as a metronome,
Yon's the ocean, hale, complete,
Far the jynin circles meet!